Basque

Zure ikerketa konfiantzazko aldizkari batera bidaltzen ari zara?

Zure lanarentzako aldizkari egokia al da?

• Gero eta ikerketa gehiago ari dira argitaratzen mundu osoan.
• Astero argitaletxe berriak ateratzen dira.
• Ikertzaile askok argitaletxe predatzaileen inguruko kezkak dituzte.
• Non argitaratu aukeratzean zaila izan daiteke orientazio eguneratua aurkitzea.

Erabili zerrenda hau aukeratu duzun aldizkaria fidagarria den egiaztatzeko.

Zuk edo zure kideek aldizkaria ezagutzen duzue?

• Irakurri duzu noizbait aldizkari horretako artikuluren bat?
• Erraza da aldizkariaren azken artikuluak topatzea?
• Aldizkariaren izena: Aldizkariaren izena beste aldizkari baten berbera da edo erraz nahas daiteke beste aldizkari baten izenarekin?
• Aldizkariaren inguruko informazioa egiazta dezakezu ISSN atarian?

Argitaletxea identifikatzea eta berarekin harremanetan jartzea erraza da?

• Argitaletxearen izena argi eta garbi agertzen da aldizkariaren web orrian?

• Aldizkariarekin harremanetan jar zaitezke telefonoz, posta elektronikoz edota postaz?

Aldizkariak erabiltzen duen adituen ebaluazio mota argi azaltzen al du?

• Webguneak aipatzen al du prozesuak ebaluatzaile independenteak/kanpokoak barne hartzen dituen, zenbat ebaluatzaile dauden artikulu bakoitzeko?
• Argitaletxeak eskaintzen al du argitalpen-batzorde baten edo zure gai-arloko ikertzaileen ebaluaziorik?
• Aldizkariak onarpen edota adituen ebaluazio epe laburrak bermatzen ditu?

Artikuluak zerbitzu espezializatuetan indexatuta edota artxibatuta daude?

• Erraz aurki daitekeen datu-base batean indexatuko/artxibatuko da zure lana?
• Argitaletxeak bermatzen al du argitalpen digitalak epe luzerako artxibatzea eta gordetzea?
• Argitaletxeak identifikatzaile digital iraunkorrak erabiltzen ditu?

Argi dago zein tasa kobratuko diren?

• Aldizkariaren guneak azaltzen al du zertarako diren tasa horiek eta noiz kobratuko diren?
• Argitaletxeak azaltzen al du bere web orrian jasotzen duen finantzazioa?
• Tasen zenbatekoa eta moneta aipatzen dira?
• Argitaletxearen web gunean azaltzen da salbuespenak eskuragarri dauden ala ez?

Egileentzako gidalerrorik badago argitaletxearen webgunean?

• Sarbide irekiko aldizkarien kasuan, argitaletxeak lizentzia-politika argia du? Lehentasunezko lizentziarik badago? Salbuespenak onartzen dira egilearen beharren arabera? Lizentziaren xehetasunak argitalpen guztietan agertzen dira?
• Zure lanaren egile-eskubideak gordetzeko aukera ematen dizu argitaletxeak? Partekatu al dezakezu zure lana, adibidez, gordailu instituzional baten bidez, eta nola?
• Argitaletxeak badu politika interes-gatazkei buruz egileentzat, argitaletxeentzat eta ebaluatzaileentzat?
• Zer formatutan eskura dezakezu zure artikulua? (adibidez, HTML, XML, PDF)
• Erabilera metrikei edo aipuei buruzko informaziorik ematen du aldizkariak?

Argitaletxea sektoreko ekimen ezagunen baten kide al da?

• Committee on Publication Ethics (COPE)ren kide al da?

• Sarbide irekiko aldizkaria bada, Directory of Open Access Journals (DOAJ)en zerrendatuta agertzen al da?
• Sarbide irekiko aldizkaria bada, argitaletxea Open Access Scholarly Publishers’ Association (OASPA)ko kidea al da?
• Aldizkaria (Bangladesh, Nepal, Sri Lanka, Erdialdeko Amerika eta Mongolian argitaratutako aldizkarien kasuan) INASPen Journals Online plataformaren batean ostatatuta al dago? Edo African Journals Onlinen (AJOL aldizkari afrikarren kasuan)?
• Sarbide irekiko aldizkaria bada, Scielon ostatatua al dago (Latinoamerikako aldizkari zientifikoen kasuan)?
• Sarbide irekiko aldizkaria bada, Latindexen indexatua al dago (Latinoamerikan, Karibean, Espainian eta Portugalen argitaratutako aldizkarietarako)?
• Sarbide irekiko aldizkaria bada, Redalycek indexatzen al du (Latinoamerikan, Karibean, Espainian eta Portugalen argitaratutako aldizkarietarako)?
• Argitaletxea beste elkarte bateko kide al da?

Zerrenda honetako galdera gehienei baietz erantzunez gero.

Egiaztatze-zerrenda bete eta zure artikulua bidali, baldin eta galdera denen edota gehienen erantzuna baiezkoa bada.